ترەمپ و زێلینسکی کۆدەبنەوە

ئاڤا نیوز

چاوەڕوان دەکرێت ڕۆژی یەکشەممەی ئەم هەفتەیە دۆناڵد ترەمپ، سەرۆکی ئەمریکا لەگەڵ ڤۆلۆدیمێر زێلینسکی لە ڤێلاکەی ترەمپ لە ویلایەتی فلۆریدا کۆببنەوە، بۆ گەیشتن بە ڕێککەوتن لەسەر پلانی ئاشتی ئەمریکا بە ئامانجی کۆتاییهێنان بە جەنگی نێوان ڕووسیا و ئۆکراینا.

بۆچی گرنگە: کۆبوونەوەکە ئاماژەیە بۆ بەرەو پێشچوونێکی گرنگ لە گفتوگۆکاندا. پێشتر ترەمپ وتبووی کاتێک لەگەڵ زێلینسکی کۆدەبمەوە ئەگەر بزانم لە ڕێککەوتن نزیکین.

لێدوانی فەرمی: ڤۆلۆدیمێر زێلینسکی، سەرۆکی ئۆکراینا ڕایگەیاند، ڕێککەوتووین بەمزووانە لەسەر ئاستی باڵا لەگەڵ سەرۆک ترەمپ کۆببینەوە و دەتوانرێت پێش سەری ساڵ بڕیار لەسەر زۆر شت بدرێت.

باکگراوند: کۆبوونەوەی سەرۆکی ئەو دوو وڵاتە دوای هەفتەیەکە لە کۆبوونەوەکانی نێوان شاندی ئەمریکا و ئۆکراینا لە ویلایەتی فلۆریدا دێت.