قایمقامی چەمچەماڵ: لافاو و ئاستەنگی دروست نەبووە

ئاڤا نیوز

 

قایمقامی چەمچەماڵ ڕایدەگەیەنێت، بەهۆی ئەم شەپۆلە بارانبارینەوە لافاو و ئاستەنگی هاتووچۆ لە سنووری قەزای چەمچەماڵ دروست نەبووە.

 

وێنە گەورەکە: ماوەی دوو ڕۆژە شەپۆلێکی بەفر و بارانبارین هەرێمی کوردستانی گرتووە و پێشبینی دەکرێت ئەم شەپۆلە تا دوای سەری ساڵ بەردەوام بێت.

 

لێدوانی فەرمی: ئاسۆ بەکر، قایمقامی چەمچەماڵ بە ئاڤای گوت، لە شەوی ڕابردووەوە هەموو لایەنە پەیوەندیدارەکان و یەکە کارگێڕییەکانی سنوورەکە بەردەوام لەسەر هێڵێن و هەموو تیمەکانیشمان خستووەتە حاڵەتی ئامادەباشی.

 

زانیاریی زیاتر: لە دوێنێوە بڕێکی باش بارانباریوە، لە هیچ شوێنکی سنوورەکە لافاو دروست نەبووە، ئاستەنگیی بۆ هاتووچۆی هاونیشتمانیان دروست نەبووە.

 

باکگراوند: ڕۆژی 9-12-2025، لە چەمچەماڵ، شۆڕش و تەکیە، لافاو دروست بوو، بەمهۆیەشەوە زیانی گیانی و ماددی لێکەوتەوە.