نەتەوە یەکگرتووەکان هۆشداری لە بارودۆخی حەلەب دەدات و داوای پاراستنی مەدەنییەکان دەکات

ئاڤا نیوز 

 

فەرهان حەق، جێگری وتەبێژی سکرتێری گشتی نەتەوە یەکگرتووەکان بە ئاڤا میدیای ڕاگەیاند، سکرتێری گشتیی زۆر نیگەرانە لەو هەواڵانەی باس لە کوژران و برینداربوونی ژمارەیەکی زۆر لە هاووڵاتیانی سڤیل دەکەن بەهۆی پەرەسەندنی شەڕ و پێکدادانەکان لە شاری حەلەبی سووریا.

 

لێدوانی فەرمی: فەرهان حەق، جێگری وتەبێژی سکرتێری گشتی "ئەنتۆنیۆ گۆتێرێس" نەتەوە یەکگرتووەکان بە ئاڤا میدیای وت: "بەپێی یاسای نێودەوڵەتیی مرۆیی، ئەرکی سەرشانی هەموو لایەنەکانە کە گیانی مەدەنییەکان بپارێزن و زیان بە ژێرخانی مەدەنی شارەکە نەگەیەنن."

 

وتەبێژەکەی سکرتێری گشتی نەتەوە یەکگرتووەکان وتیشی: "داوا لە سەرجەم لایەنەکان دەکەین دەستبەجێ گرژییەکان کەم بکەنەوە، وپەنا ببەنە بەر دانبەخۆداگرتنی تەواو و هەموو ڕێکارێکی پێویست بگرنە بەر بۆ ئەوەی ڕێگری لە زیانگەیاندنی زیاتر بە هاووڵاتییان بکرێت."

 

٠ نەتەوە یەکگرتووەکان هانی لایەنەکان دەدات کە لە هەردوو ئاستی سەربازی و سیاسیدا نەرمی بنوێنن و بە نییەتێکی پاکەوە بگەڕێنەوە سەر مێزی گفتوگۆکان، بە مەبەستی جێبەجێکردنی تەواوی ناوەڕۆکی ڕێککەوتنی ١٠ی مانگی سێی ساڵی 2025.