بەهۆی هێرشەکەی ئێرانەوە تمەن بەرامبەر دۆلار دابەزینێکی مێژوویی تۆمارکرد

ئاڤا نیوز

 

لەدوای هێرشەكەی ئێران، تمەنی ئێرانی بەرامبەر بە دۆلاری ئەمریكی دابەزینێكی مێژوویی تۆماركرد؛ ئەمڕۆ نرخی 100 دۆلاری ئەمریكی 7 ملیۆن تمەنی تێپەڕاند.

 

لێدوانی فەرمی: حاجی سابیر باواجی، ئەندامی ئەنجوومەنی گۆڕینەوەی دراوی هەولێر بۆ ئاڤا نیوز گوتی: ئەمڕۆ یەکشەممە 14-04-2024، بەهۆی هێرشەکانی ئێران بۆ ئیسرائیل نرخی تمەن دابەزی؛ لە هەولێر 100 دۆلار بە زیاتر لە 7 ملیۆن تمەنی ئێرانی مامەڵەی پێوە دەکرێت.

 

وێنە گەورەکە: دوای کەمتر لە دوو هەفتە لە هێرشەکەی ئیسرائیل بۆ سەر باڵیۆزخانەی ئێران لە دیمەشق، ئێران شەوی ڕابردوو هێرشی تۆڵەی بۆ سەر ئیسرائیل دەستپێکرد؛ بەمهۆیەوە نرخی تمەن بەرامبەر بە دۆلار دابەزینێکی مێژوویی بەخۆیەوە بینی.

 

ئەوەی پێویستە بیزانیت: لە دوو ڕۆژی ڕابردوودا لە بازاڕەکانی هەرێمی کوردستان، تمەن بە شەش ملیۆن و 250 هەزار بەرامبەر هەر 100 دۆلارێکی ئەمریکی مامەڵەی پێوەکراوە.