پشووی فەرمی لە چەند ناوەندێکی خوێندن ڕاگەیێنرا

ئاڤا نیوز

 
بەهۆی نالەباریی کەشوهەوا و لەپێناو سەلامەتی مامۆستایان و قوتابیان، سبەی چوارشەممە لە سنووری چەند پەروەردەیەک کرایە پشوو.

 

وێنە گەورەکە: بەپێی پێشبینییەکانی کەشناسی شەپۆڵێکی بەفر و بارانبارینی سەرتاسەری هەرێمی کوردستان دەگرێتەوە و پلەی گەرما بۆ ژێر سفر دادەبەزێت، هەروەها ئەگەری دروستبوونی شەختە لە چەند ناوچەیەک هەیە، بەمەبەستی سەلامەتیی گیانی مامۆستایان و قوتابیان، چەند بەڕێوەبەرایەتییەکی پەروەردە بڕیاریان دا سبەی چوارشەممە 14-1-2026 بکرێتە پشووی فەرمی لە سەرجەم قوتابخانەکان.

 

ئەوەی پێویستە بیزانیت: ئەم بەڕێوەبەرایەتییانە  پشووی فەرمیان ڕاگەیاند:

-    بەڕێوەبەرایەتیی گشتیی پەروەردەی سۆران
-    بەڕێوەبەرایەتیی پەروەردەی کۆیە
-    بەڕێوەبەرایەتیی پەروەردەی پێنجوێن
-    بەڕێوەبەرایەتیی پەروەردەی دوکان
-    ناوەندەکانی خوێندن لە قەزای بازیان
- ناوەندەکانی خوێندن لە چەمچەماڵ