نهێنیی دارەکانی پەرستگای لالش، بۆچی بڕینەوەیان قەدەغەیە؟

ئاڤا نیوز

 

پەرستگای لالش لە قەزای شێخان لە پارێزگای دهۆک پیرۆزترین پەرستگای ئێزدییەکانە لە سەرتاسەری جیهان و ساڵانە دەیان هەزار پەیڕەوی ئایینی ئێزدی سەردانی دەکەن.

 

چیرۆکی سەرەکی: لالش پیرۆزترین پەرستگای ئێزدییەکانە و دەکەوێتە پارێزگای دهۆک. هەموو شتێکی ناو ئەو پەرستگایە بەلای پەیڕەوانی ئایینی ئێزدییەوە پیرۆزە. بۆنمونە دارەکانی ناو پەرستگاکە، سەدان ساڵە دەیان داری گەورە و بەتەمەن لەناو پەرستگاکە هەن کە پارێزگاریان لێدەکرێن و نابڕدرێنەوە، چونکە لەلای ئێزدییەکان پیرۆزن. هەریەکێک لەو دارانە ناوی خۆی هەیە، هەر ئەوە نا هەریەکێک لەو دارانە هێما و چیرۆکێکی تایبەت بە خۆی هەیە.