ئەسپسوارێکی تەمەن حەوت ساڵانی کورد مێژوو دەنووسێتەوە

ئاڤا نیوز

 

دیە محەممەد منداڵێکی تەمەن حەوت ساڵانە و خەڵکی ناحیەی خدرانە لە قەزای دووکان، ئەو خۆشەویستییەکی زۆری بۆ ئەسپسواری هەیە، بەشداریی چەندین فێستیڤاڵی کردووە و سەرکەوتنی گەورەی بەدەستهێناوە.

 

چیرۆکی سەرەکی: وەک دەڵێن: "یەکەم خۆشەویستی کچ باوکێتی و هەموو کاتێکیش باوک وەک کێو لە پشت کچەکەی دەوەستێت". ئەم وتەیە بۆ دیەی تەمەن حەوت ساڵان زۆر ڕاستە؛ دیە، باوکی لە تەمەنێکی زۆر بچووکەوە  فێری ئەسپسواری کردووە و ئێستا یەکێکە باشترین ئەسپسوارەکانی کوردستان و لە فێستیڤاڵەکانی تایبەت بە ئەسپسواری بەشداری کردووە و  چەندین خەڵاتی بردووەتەوە.