بڕیارێکی دیکەی سەرۆکوەزیران بارزانی لە بەرژەوەندیی خەڵک جێبەجێ دەکرێت

ئاڤا نیوز

 

بڕیارێکی دیکەی سەرۆکوەزیران بارزانی، بۆ لێخۆشبوون 100%ـی سزای دواکەوتنی کەڵەکەبوو لەسەر خاوەنکاران کەوتە بواری جێبەجێکردنەوە.

 

وێنە گەورەکە: ڕۆژی 27ـی ئاداری 2024، سەرۆکوەزیران بارزانی پەیامێکی لە ڕێگەی ڤیدیۆوە بڵاوکردەوە و کۆمەڵێک بڕیاری گرنگی دا، لێخۆشبوون و داشکاندن بۆ چەندین کرێ و قەرزی پەیوەست بە هاونشتیمانیان دا.

 

نووسراوی فەرمی: ئەنجوومەنی وەزیرانی هەرێمی کوردستان لە ڕێککەوتی 27-03-2024، بە کۆی دەنگ بڕیاری دا بە:

 

1- لێخۆشبوون لە تەواوی 100%ـی سزای دواکەوتنی کەڵەکەبوو لەسەر خاوەنکاران، تایبەت بە (بەشداریی دەستەبەری کۆمەڵایەتی) بە مەرجێک لە ماوەی (90) ڕۆژی کار لە ڕێککەوتی بەکاربوونی ئەم بڕیارەوە تەواوی بڕی پارەی بەشداری دەستەبەری کۆمەڵایەتییەکە بدەن.

 

2- سەرجەم وەزارەت و لایەنە پەیوەندیدارەکان ئەم بڕیارە جێبەجێ دەکەن لە ڕۆژی گشتاندنی بڕیارەکە لەلایەن وەزارەتی کار و کاروباری کۆمەڵایەتییەوە.