بۆ زیاتر لە  35 ساڵ پاسپۆرتی عێراقی وەک یەکێک لە لاوازترینەکانی جیهان دەمێنێتەوە

ئاڤا نیوز

بەگوێرەی ڕاپۆرتی ساڵانەی "پاسپۆرت ئیندێکس"ـی جیهانی، پاسپۆرتی عێراقی بە یەکێک لە لاوازترین پاسپۆرتەکانی جیهان دادەنرێت و تەنیا لە پێش سووریاوە دێت.

چیرۆکی سەرەکی: بەپێی ڕاپۆرتەکە هاووڵاتییانی عێراق پێویستە ڤیزا بۆ 156 وڵاتی جیا جیا وەربگرن پێش گەشتکردنیان، زۆر جاریش داواکارییەکانیان لە باڵیۆز و کونسوڵخانەکان ڕەتدەکرێتەوە، لەکاتێکدا دەتوانن بەبێ ڤیزە سەردانی 11 وڵات بكەن و لە 31 وڵاتیش لە كاتی گەیشتن ڤیزە وەردەگرن.

زانیاریی زیاتر: پاسپۆرتی عێراقی بۆ ساڵی 2026 لەپلەی 101 ـی  جیهانی هاتووە و لەسەر ئاستی وڵاتانی عەرەبیش پلەبەندی 20 ـتەمینی وەرگرتووە ،  بەمەش تەنیا پێش سووریا كەوتووە و بەجۆرێک سۆماڵ پاسپۆرتەکەی لە عێراق بەهێزترە.

ئەوەی پێویستە بیزانیت: پاسپۆرت ئیندێکس، ساڵانە لیستی بەهێزترین و لاوازترین پاسپۆرتەكانی جیهانی بڵاودەکاتەوە، ئەوەش بە پشتبەستن بە چەند بنەمایەک، گرنكترینیان هه‌ڵگرانی پاسپۆرتی هەر وڵاتێک توانای سەردانی زۆرترین وڵاتیان بەبێ ڤیزا هەیە.