سەرۆک بارزانی بۆ ئەحمەد شەرع: پێویستە ماف و كەرامەتی گەلی كورد پارێزراو بێت

ئاڤا نیوز

سەرۆک بارزانی لە پەیوەندییەکی تەلەفۆنیدا لەگەڵ ئەحمەد شەرع بە  پێویستی زانی ماف و كەرامەتی گەلی كورد لە سووریا پارێزراو بێت.

باکگراوند: زیاتر لە دوو هەفتەیە هێرشە چەکدارییەکانی سوپای عەرەبیی سووریا بۆ سەر ناوچە جیاجیاکانی ڕۆژئاوای کوردستان بەردەوامیی هەیە، ئەم هێرشانە جگە لەوەی بوونەتە هۆی شەهید و برینداربوونی ژمارەیەک لە شەڕڤانانی هێزە کوردییەکان، لەهەمان کاتدا زیانێکی گەورەی مرۆییان لێکەوتووەتەوە و هەزاران هاووڵاتیی مەدەنی لە ژن و منداڵ و بەساڵاچوو، ناچار بە جێهێشتنی ماڵ و حاڵیان بوون و ئاوارەبوونە.

- ئەم پەرەسەندنە سەربازییانە لە کاتێکدایە، هەوڵە دیپلۆماسییەکان بۆ گەیشتن بە لێکتێگەیشتنێکی سیاسی لە نێوان دیمەشق و لایەنە کوردییەکاندا چڕتر بوونەتەوە، ئامانج لەم هەوڵانە ڕاگرتنی دەستبەجێی هێرشەکان و دۆزینەوەی ڕێگەیەکە بۆ زامنکردنی مافە دەستوورییەکانی گەلی کورد لە سووریایەکی نوێدا.