گەڕاندنەوەی 41 ڕووفاتی قوربانیانی ئێزدی بۆ شنگال و بەخاکسپاردنیان لە زێدی خۆیان

ئاڤا دیجیتاڵ

 

رووفاتی ژماره‌یه‌كی دیكه‌ی كوردانی ئێزدی له ‌شەنگال به‌خاكسپێردرا، كه‌ لە کاتی هێرشەکانی داعش لە ساڵی 2014 کۆمەڵکوژ کرابوون.

چیرۆكی سەرەكی: ئه‌مڕۆ چوارشه‌ممه‌ 24ـی كانوونی دووه‌می 2024 رووفاتی 41 كوردی ئێزدی له‌ شەنگال به‌خاك سپێردران، كه‌ پێكهاتوون له‌ قۆناغی شه‌شه‌می رووفاتی ئه‌و ئێزدییانه‌ی له‌ ساڵی 2014 له‌لایه‌ن داعشه‌وه‌ جینۆساید و كۆمه‌ڵكوژ كرابوون.

چه‌كدارانی داعش 100 كۆمه‌ڵكوژییان دژی خه‌ڵكی شنگال ئه‌نجامدا، دوای چه‌ندین ساڵ گۆڕه‌ به‌كۆمه‌ڵه‌كانیان هه‌ڵده‌درێنه‌وه‌، دوای ئه‌وه‌ی رووفاته‌كان ره‌وانه‌ی به‌غدا كران و پشكنینی (dna)یان بۆ كرا و پاشان بۆ ناشتن گه‌ڕێنرانه‌وه بۆ‌ شەنگال.

ئەوەی پێویستە بیزانیت: به‌گوێره‌ی دواین ئامار له‌سه‌ر پرۆسه‌ی كۆمه‌ڵكوژی ئێزدییه‌كان كه‌ مانگی ئابی ساڵی 2014 له‌لایه‌ن رێكخراوی داعشه‌وه‌ دژی كوردانی ئێزدی ناوچه‌كانی شەنگال ئه‌نجامدرا، تا ئێستا حەوت هەزار و 400 كه‌س بوونه‌ته‌ قوربانیی ده‌ستی داعش و پێشبینی ده‌كرێت ژماره‌كه‌ بگاته‌ نۆ كه‌س.

باكگراوند: رۆژی 3/8/2014 چه‌كدارانی داعش ھێرشیان كرده‌سه‌ر ناوچه‌كانی شنگال و داگیریان كرد و هه‌زاران كه‌س بوونه‌ قوربانیی ده‌ستی ئه‌و چه‌كدارانه‌ و تا ئێستا ژماره‌یه‌كی زۆری خه‌ڵكی ناوچه‌كه‌ بێسه‌ر و شوێنن.