ناوەڕۆکی کۆبوونەوەی سوودانی و بایدن

ئاڤا نیوز

 

محەممەد شیاع سوودانی، سەرۆکوەزیرانی عێراق لەگەڵ جۆ بایدن، سەرۆکی ئەمریکا لە کۆشکی سپی کۆبووەوە و چه‌ند پرسێكی گرنگی هاوبه‌شی نێوان هەردوو وڵاتیان تاوتوێ كرد.

 

ڕاگەیێنراوی فەرمی: "ئامانجمانە پەیوەندییەکی ئاساییمان لەڕووی ئەمنی و سەربازی هەبێت، بەشێوەیەکی ڕێکخراو و سیستەماتیک لەسەر بنەمای سیاسی، ئابووری و کولتووری بەگوێرەی ڕێککەوتنی چوارچێوەی ستراتیژی". نووسینگەی ڕاگەیاندنی سەرۆکوەزیرانی عێراق ڕایگەیاندووە.

 

زانیاریی زیاتر: هەردوولا جەختیان لە هاوکاری ئەمنی و هاوبەشی دووقۆڵی بەردەوامی نێوان عێراق و ئەمریکا لەڕووی سەربازی کردەوە.

 

گۆشەیەکی دیکەی دیمەنەکە: هەر لە کۆبوونەوەکەدا، باس لەسەر ڕەوشی ئەمنیی ناوچەکە کرا و سوودانی بە سەرۆکی ئەمریکای گوت: "بۆچوونی جیاوازمان لەسەر جەنگی غەززە هەیە، بەڵام لە پرسی پاراستنی بەها مرۆڤایەتییەکان و ڕەچاوکردنی ڕەوشی هاووڵاتییانی مەدەنی هاوبەشین".