دوای گەڕانەوەی سوودانی لە واشنتن؛ هەنگاوەکانی هەناردەی نەوتی کوردستان کارا دەبنەوە

ئاڤا نیوز

 

ئەندامێکی لیژنەی نەوت و گاز لە ئەنجوومەنی نوێنەرانی عێراق دەڵێت، "لەو هەل و مەرجەدا سوودانی پێویستی بە پاڵپشتی ئەمریکا هەیە، چاوەڕوان دەکرێت دوای گەڕانەوەی لە واشنتن هەنگاوەکان کارا ببنەوە."

 

وێنە گەورەکە: سوودانی و بایدن جەختیان لەسەر بایەخی گەیشتنی نەوتی عێراق لە نێویدا نەوتی هەرێمی کوردستان بۆ بازاڕەکانی جیهان کردەوە، دەستپێکردنەوەی پڕۆسەکە سێ هەنگاوی سەرەتایی هەیە.

 

لێدوانی فەرمی: د. سەباح سوبحی، ئەندامی لیژنەی نەوت و گاز لە ئەنجوومەنی نوێنەرانی عێراق بە ئاڤا نیوزی گوت: "دەسپێکردنەوەی هەناردەی نەوت پێویستی بە هەمواری یاسای بودجەی ساڵی 2024، پاکتاوی دارایی عێراق لەگەڵ تورکیا و کرێی دەرهێنانی نەوتی کۆمپانیاکان لە هەرێمی کوردستان هەیە."

 

لەلایەکی دیکەوە: باسم محەممەد، بەرپرس لە وەزارەتی نەوتی عێراق ئاماژەی بەوە دا، "کۆتایی مانگی نیسان دەتوانین دەست بە هەناردەی نەوت بۆ تورکیا بکەینەوە''.