تەنیا بە 21 ڕۆژ هەشت بڕیاری سەرۆکوەزیران بارزانی جێبەجێکراون

ئاڤا نیوز

 

هەشت بڕیاری سەرۆکوەزیران بارزانی کە لە بەرژەوەندیی هاونیشتمانیان بوون، لەماوەی بە 21 ڕۆژدا چوونەتە بواری جێبەجێکردن.

 

وێنە گەورەکە: ڕۆژی 27ـی مانگی ڕابردوو سەرۆکوەزیران بارزانی، کۆمەڵێک بڕیاری لە بەرژەوەندی هاونیشتمانیان دەرکرد و تاوەکو ئێستا هەشت لەو بڕیارانە، جێبەجێ کراون.

 

بڕیارە فەرمییەکان: جگە لە بڕیاری دابەشکردنی زەوی بەسەر فەرمانبەرانی سوودمەند نەبوو، ئەم بڕیارانەشی دابوو:
• داشکاندنی 20% لە پارەی کەڵەکەبووی کارەبا.
• داشکاندنی 20% لە سزای کەڵەکەبووی هاتووچۆ.
• داشکاندنی 50% لە ڕسووماتی هێنانی گۆشت.
• داشکاندنی 20% لە کرێی خوێندنی پارالێل لە زانکۆ و پەیمانگە حکومییەکان.
• لێخۆشبوونی سزا لە دواکەوتنی بەشداریی دەستەبەریی کۆمەڵایەتی.
• داشکاندنی 20% لە ڕسووماتی کەڵەکەبووی ئاو.
• داشکاندنی 20% لە ڕسووماتی شارەوانی بەتایبەت کرێی کرێچییەکانی وەزارەتی شارەوانی.
• لێخۆشبوون لە سزای دواکەوتنی باج لەلایەن پیشەوەران، کاسبکاران و کەمدەرامەتان.