سەرۆك بارزانی: پارتی هەردەم ئامادەیە بۆ هەڵبژاردنێكی پاك و بێگەرد

ئاڤا نیوز

 

سەرۆک بارزانی لەبارەی هەڵبژاردنەوە بە باڵیۆزی فەرەنسای ڕاگەیاندووە، پارتی ئامادەیە، بەڵام دەبێت دوور بێت لە دیزاینی پێشوەختە و پێکهاتەکانیش نوێنەرایەتیی دەنگی خۆیان بکەن.

 

چیرۆکی سەرەکی: لە پیرمام، سەرۆک بارزانی لەگەڵ پاتریک دوریل، باڵیۆزی فەڕەنسا لە عێراق کۆبووەوە و باسیان لە پرسی هەڵبژاردنی پەرلەمانی هەرێمی کوردستان کرد.

 

ڕاگەیێنراوی فەرمی: "پارتی هەردەم ئامادەیە بۆ هەڵبژاردنێكی پاك و بێگەرد كە دەرئەنجامەكانی دەرخەری ئیرادەی ڕاستەقینەی دەنگدەرانی بێت و پێکهاتەکان بتوانن نوێنەرایەتی ویست و دەنگی خۆیان بکەن، هەروەها دووریش بێت لە دیزاینی پێشوەختە". بارەگای بارزانی ڕایگەیاندوووە.

 

ئەوەی پێویستە بیزانیت: سەرۆک بارزانی لەگەڵ ئەو باڵیۆزە باسی لە کێشەکانی نێوان هەولێر و بەغدا کردووە و گوتی، کێشەکان بریتین لە پێشێلكردنی دەستوور، پابەندنەبوون بە ڕێككەوتنەكان و هەوڵدان بۆ لاوازكردنی هەرێمی كوردستان.