منداڵانی قولەڕەیسیی سلێمانی لە شەوی بەرات لەناو قوڕ و چڵپاودا دەگەڕێن

ئاڤا نیوز

پێرێ شەو شەوی بەرات بوو، منداڵان لە زۆربەی ناوچەکانی کوردستان بۆ کۆکردنەوەی نوقڵ و چکلێت بە ماڵاندا دەگەڕان و شەوێکی  تایبەت بوو.

کێشەی سەرەکی: هاووڵاتییان لە گەڕەکی قولەڕەیسی سلێمانی چەند ڤیدیۆیەکیان بۆ ئاڤا ناردووە، مناڵەکان تا ئەژنۆ کەوتوونەتە قوڕ و چڵپاو، ئەمە بەهۆی خراپی شەقام و کۆڵانەکانی گەڕەکەکە و قیڕنەکردنیان. دانیشتووانی گەڕەکەکە داوایان لە ئاڤا کرد دەنگیان بگەیێنێت.

بەدواداچوونی ئاڤا: ئەنجوومەن حوسێن، بەرپرسی ڕاگەیاندنی شارەوانی سلێمانی بە ئاڤای گوت: دەرخستەمان بۆ قیرتاوکردنی گەڕەکی قولەرەیسی و زۆربەی گەڕەکەکانی سلێمانی کردووە، بۆیان چاک دەکەین بەڵام دوو مانگی تر.

- وتیشی: ئێمە وەک شارەوانی ساڵانە لە مانگی 12 تاوەکو مانگی چوار، واتا تا تەواوبوونی وەرزی زستان تەنها کاری نۆژەنکردنەوەی شەقامەکان دەکەین، لە سەرەتای مانگی چوارەوە دەست دەکەین بە جێبەجێکردنەوەی پڕۆژەکان، بەڵام بەهۆی نەبوونی پارەی پێویست کارەکان بە سستی دەکرێن.