لە سنە سەرپۆشی زۆرەملێ تووندتر کراوەتەوە

ئاڤا نیوز

 

لە ماوەی چەند ڕۆژی ڕابردوودا و لەگەڵ دەستپێکی ساڵی نوێ، گوشارە ئەمنییەکان لە زانکۆی کوردستان لە شاری سنە لەسەر قوتابییە کچەکانی ئەم زانکۆیە وەک خۆیان دەڵێن "جلوبەرگی شیاوی قوتابییان" زۆر زیادی کردووە و تووندتر بووەتەوە.

 

ڕاگەیێنراوی فەرمی: ڕێکخراوی مافی مرۆڤ هەنگاو ڕایگەیاند: لە ماوەی چەند ڕۆژی ڕابردوودا گوشارە ئەمنییەکان بۆ کۆنترۆڵکردنی جلوبەرگی قوتابییە کچەکانی زانکۆی کوردستانی سنە چڕتر بووەتەوە و تەنانەت کۆمەڵێکی زۆر لەو قوتابییە کچانەی ئەم زانکۆیە ڕووبەڕووی چەندین ئاگادارکردنەوە و هەڕەشە بوونەتەوە.

 

ئەوەی پێویستە بیزانیت: کۆمەڵێک لەو قوتابییە کچانە هەڕەشەی دەستبەسەرداگرتنی کارتی قوتابیبوونیان و دەستپێڕانەگەیشن بە کەرەستە و کەلوپەلی پێویستی خوێندنیان لێکراوە و تەنانەت بەهۆی ئەوەی لە شوێنی مانەوەشیان کە لەڕووی ڕەگەزیشەوە هەموویان کچن، بە ڕەچاونەکردنی "سەرپۆشی زۆرەملێ" لەلایەن سەرپەرشتیارییانەوە ئاگادار دەکرێنەوە کە پێویستە سەرپۆشیان لەسەر بێت.