ڕێبەر ئەحمەد: پەکەکە هۆکارێکە بۆ ناسەقامگیری

ئاڤا نیوز

 

وەزیری ناوخۆ لە پانێلێکی دیداری سلێمانیدا گوتی، پەکەکە هۆکارێکە ناسەقامگیری لە ناوچەکە، هەروەها جەختی کردەوە کە بەپێی دەستووری عێراق شتێک نییە بە ناوی حکومەتی ناوەندی.

 

وێنە گەورەکە: لەژێر ناونیشانی "دۆخی ئێستا و داهاتووی ڕێکخستنە ئەمنییەکان و هاوکاری نێوان بەغدا و هێزەکانی حکومەتی هەرێمی کوردستان" ڕێبەر ئەحمەد بەشداری لە پانێلێکدا کرد و باسی دۆخی ئاسایشی هەرێمی کوردستان و عێراقی کرد. 

 

لێدوانی فەرمی: ڕێبەر ئەحمەد، وەزیری ناوخۆی هەرێمی کوردستان لە پانێڵەکە گوتی، "بە بیانووی جیا جیا هێرش دەکرێتە سەر هەرێمی کوردستان و لە ڕۆژهەڵاتی ناوەراست کەس خۆی لە قەرەی چارەسەرکردنی دۆزی کورد نادات".

 

زانیاریی زیاتر: ڕێبەر ئەحمەد پێیوایە گرووپە تیرۆرستییەکان بۆشایی ئەمنییان قۆستووەتەوە بۆ چالاکییەکانیان، دوو لیوای هاوبەش بۆ ئەو مەبەستە پێکهێنراوە، هەموو ڕێکارەکان تەواو بوونەو تەنیا دەستبەکاربوونیان ماوە.