درۆن لە ئاسمانی شارباژێڕ دەسووڕێتەوە

ئاڤا نیوز

 

نزیکەی نیو کاتژمێرە درۆن لە ئاسمانی شارباژێڕ دەسووڕێتەوە و قایمقامی ماوەتیش دەڵێت، بەردەوام لە ناوچەكەیاندان.

 

چیرۆکی سەرەکی: هەرچەندە درۆنەکە دەسووڕێتەوە، بەڵام تاوەکو ئێستا هیچ زیانێكیان نەبووە، تەنیا بەسەر ناوچەكەدا دەسووڕێنەوە.

 

لێدوانی فەرمی: سەركەوت سابیر، هاووڵاتییەکی ناوچەکەیە و ئێستا لە شارباژێڕە، بە ئاڤا نیوزی گوت: "درۆنەکان لە ئاستێكی زۆر نزمدا دەسووڕێنەوە".

 

ئەوەی ئێستا دەگوترێت: كامەران حەسەن، قایمقامی ماوەت بە ئاڤا نیوزی ڕاگەیاند: "بە بەردەوام لە گوندەكانی گەڵاڵە، قامیشە و سەفرەی سەر بە قەزای ماوەت درۆن دەسووڕێتەوە".

 

ئەوەی پێویستە بیزانین: لە ماوەی ڕابردوودا، چەندین جار ناوچەی شارباژێڕ، گوندەكانی گەڵاڵە و دەوروبەری لەلایەن فڕۆكەی بێفڕۆكەوانەوە بۆردوومان كراون.