وەزیری ناوخۆی كوردستان لەگەڵ دوو كۆنگرێسمان و سیناتۆرێكی ئەمریكا كۆدەبێتەوە

ئاڤا نیوز

وەزیری ناوخۆی هەرێمی كوردستان، ستایشی هەوڵ و ماندووبوونەكانی كۆنگرێسمانان و سیناتۆرانی ئەمریكا دەكات بۆ پشتگیرییە بەردەوامەكانیان بۆ گەلی كورد، لەپێناو كوردستانێكی ئارام و سەقامگیردا.

چیرۆکی سەرەکی: لەمیانی سەردانەكەیدا بۆ ئەمریكا، ڕێبەر ئەحمەد، وەزیری ناوخۆی حكومەتی هەرێمی كوردستان، دوو دیداری لەگەڵ هەریەك لە كۆنگرێسمان برایان ماست، سەرۆكی كۆمیتەی كاروباری پەیوەندییەكانی دەرەوە و ستیڤ کۆهین، ئەندامی کۆمیتەی هەمیشەیی دەستنیشانکردن بۆ هەواڵگری لە كۆنگرێسی ئەمریكا ئەنجامدا، هاوكات لەگەڵ سیناتۆر کریس ڤان هۆڵین، ئەندامی کۆمیتەی کاروباری پەیوەندییەکانی دەرەوە لە ئەنجوومەنی پیرانی ئەمریكا كۆبووەوە.

بڵاوكراوەی فەرمی: ماڵپەڕی فەرمیی وەزارەتی ناوخۆی هەرێمی كوردستان بڵاویكردووەتەوە، ڕێبەر ئەحمەد، سوپاسی کۆنگرێسمان 'برایان ماست'ـی كرد بۆ پشتگیرییە بەردەوامەکانی بۆ گەلی کورد لەپێناو کوردستانێکی ئارام و سەقامگیر. هەردوولا جەختیان لە پەیوەندیی بەهێزی نێوان ئەمریکا و هەرێمی كوردستان كردەوە لە پرسی ستراتیژییە هاوبەشە لەپێشینەکان.

لەلایەكی دیكەوە: وەزیری ناوەخۆ ستایشی کۆنگرێسمان ستیڤ کۆهین ـی کرد بۆ پشتگیرییەکانیان بۆ هەرێمی کوردستان.

لەو دیدارەدا، كۆهین باسی لە دوایین سەردانەکەی خۆی کرد کە وەک شاندێکی کۆنگرێسی ئەمریكا سەردانی هەرێمی کوردستانی کردبوو. لە کۆبوونەوەکەدا وێڕای باسکردنی پەیوەندییەکانی نێوان ئەمریکا و هەرێمی کوردستان، هەردوولا گفتوگۆیانکرد لەسەر هەماهەنگی بەردەوام بۆ پشتگیری لە ئاسایشی ناوچەکە و سەقامگیری درێژخایەن.

هەر لەمیانی سەردانەكەیدا بۆ ئەمریكا، ڕێبەر ئەحمەد، چاوی كەوت بە سیناتۆر کریس ڤان هۆڵین، ئەندامی کۆمیتەی کاروباری پەیوەندییەکانی دەرەوە لە ئەنجوومەنی پیران (سینات). وەزیری ناوەخۆ سوپاسی سیناتۆر کریس ڤان هۆڵین ـی کرد بۆ ئەو پێشوازییە گەرمە و پشتگیرییەکانی بەڕێزیان. لە دیدارەکەدا هەردوولا گفتوگۆیانکرد دەربارەی پشتگیریە بەردەوامەکان بۆ گەلی کورد و بەرەوپێشبردنی سەقامگیری و هاوبەشێتی لە ناوچەکەدا. هەروەها جەختکرایەوە لەسەر گرنگی بەشدارییە بەردەوامەکانی ئەمریکا و پەیوەندیی دووقۆڵی بەهێزی نێوان ئەمریکا و هەرێمی کوردستان.