کیم جۆنگ ئون بوونی سەربازانی لە ئۆکراینا پشتڕاستکردەوە

ئاڤا نیوز

کیم جۆنگ ئون، سەرۆکی کۆریای باکوور، بۆ یەکەمجار بە فەرمی دانی بە بەشداریکردنی سەربازانی وڵاتەکەیدا نا لە شەڕی ڕووسیا دژ بە ئۆکراینا

چیرۆکی سەرەکی: ڕووسیا و کۆریای باکوور لە دوای دەستپێکردنی شەڕی ئۆکراینا پەیوەندییەکانیان پتەوتر کردووە. لە ڕۆژانی ڕابردوودا، کیم لە پەیامێکدا بۆ ڤلادیمێر پووتین، پشتیوانیی تەواوی خۆی بۆ ڕووسیا دووپات کردەوە.

زانیاریی زیاتر: پێشتر زانیارییەکانی دەزگا هەواڵگرییەکانی کۆریای باشوور و وڵاتانی ڕۆژئاوا ئاشکرایان کردبوو کە کۆریای باکوور هەزاران سەربازی بۆ پشتگیریکردنی ڕووسیا ناردووە، لە بەرانبەردا ڕووسیا هاوکاریی دارایی و تەکنەلۆژیای سەربازیی پێشکەوتووی بۆ دابین کردوون. خەمڵاندنەکانی کۆریای باشوور دەریدەخەن کە تاوەکو ئێستا 600 سەربازی کۆریای باکوور کوژراون و هەزارانی دیکەش لەو شەڕەدا بریندار بوون.

لێدوانی فەرمی: کیم جۆنگ ئون لە کاتی بەسەرکردنەوەی مۆنۆمێنتێک بۆ قوربانیانی جەنگ ڕایگەیاند: ئازایەتی و بوێریی سەربازانی وڵاتەکەمان کە لە شەڕی ڕووسیا دژ بە ئۆکراینا شەڕ دەکەن، بەرز دەنرخێنین؛ پشتیوانیی ئێمە بۆ هەموو بڕیار و سیاسەتەکانی مۆسکۆ بێمەرجە.