پێنجوێن، نیشتمانی گوڵاڵە سوورەکان لەبەردەم مەترسیی کەمبوونەوەدا

ئاڤا نیوز

سوهراب سپێهری، شاعیری گەورەی فارس، دەڵێت، "دنیا پڕ لە ناشیرینی من سەیری گوڵاڵە سوورە دەکەم، تاوەکوو گوڵاڵە سوورە هەبێت دەبێت بژین.

چیرۆکی سەرەکی: لە کوردستان، ئەم گوڵە تەنها ڕووەکێکی ئاسایی نییە، بەڵکوو ناسنامەی بەهار و هێمای ناسکی و جوانییە. هەر بۆیە مرۆڤ هەمیشە جوانی و ناسکی بەم گوڵە دەچوێنێت. گوڵاڵە سوورە نیشانەی بەپیتیی خاکە، کاتێک لە بەهاردا خونچەی ئەو گوڵە بە دەم شنەی باوە سەما دەکات، پەڕە سوورەکانی دەردێن و دەبنە گوڵاڵە سوورە.

- هەرچەندە ئەم گوڵە ڕەنگی پەمەیی و پرتەقاڵیشی هەیە، بەڵام سوورەکەی لە ناو هۆنراوە و دڵی خەڵکدا جێگەی تایبەتی هەیە، بەتایبەت لە پێنجوێن کە بە نیشتمانی ئەم گوڵە دەناسرێت.

زانیاریی زیاتر: حەمە ئەمین، جووتیارێکی بە ئەزموونی پێنجوێنە، ئەو دەڵێت، بەهۆی کێڵانی زەوی ڕژاندنی بڕێکی زۆر ماددەی کیمیایی ، ئەم گوڵە بەرەو کەمبوونەوە دەچێت و مەترسی لەسەر نەمانی دروست بووە.