داوادەکرێت هاوردەکردنی هێلکەی قاچاخ لە دەروازەیەكی سنووری قەدەغە بکرێت

ئاڤا نیوز

لە دژی هاوردەکردنی هێلکە بە قاچاخ، خاوەن کێڵگە پەلەوەرییەکانی عێراق و هەرێمی کوردستان گردبوونەوە و داوا دەکەن، هاوردەکردنی هێلکەی قاچاخ لە باشماخ قەدەغە بکرێت.

وێنە گەورەکە: بەشێک لە خاوەن کیڵگە پەلەوەریەکان گلەیی ئەوە دەکەن، کە لە دەروازەی باشماخ، هێلکە بە قاچاخ هاوردەی بازاڕەکانی هەرێمی کوردستان دەکرێت. ئەمەش وادەكات هێلكەی ناوخۆیی لە بازاڕ نەفرۆشرێت.

لێدوانی فەرمی: خاوەن کێلگە پەلەوەرییەکانی عێراق و هەرێمی کوردستان لە کۆنگرەیەکی ڕۆژنامەوانیدا ڕایانگەیاند: هەموو شەوێک بە بڕی چوار هەزار و 500 دۆلار، هێلکە لە سنووری باشماخەوە هاوردە دەکرێت، بۆ ڕاگرتنی ئەو کارە نووسراومان بەرزکردووەتەوە بۆ لایەنی پەیوەندیدار، بەڵام کەس وەڵامی نەداوینەتەوە.

کاریگەری و لێکەوتەکان: بەهۆی هاوردەکردنی هێلکەی قاچاخەوە، خاوەن پڕۆژەکانی بەرهەمهێنان زیانێکی زۆریان بەرکەوتووە، دەڵێن کە پێنج بۆ شەش ڕۆژە بەرهەمەکانیان نەفڕۆشراوە، داوا دەکەن کە بە زووترین کات دەروازە قەچاخەکان دابخرێن.