عێراق زیاتر لە 10 یاداشتی لێکتێگەشتن لەگەڵ کۆمپانیا ئەمریکییەکان واژۆ دەکات

ئاڤا نیوز

عێراق دەیەوێت ڕێگری لە بەفیڕۆچوونی غاز بگرێت، لە چوارچێوەی پەرەپێدانی کەرتی وزەی وڵاتەکەی، ئەمریکاش ئاماجییەتی سەرپەرشتی دابینکردنی غاز لە کێڵگە نێوخۆییەکان وەک سەچاوەی وزەی کارەبا بۆ عێراق بکات.

وێنە گەورەکە: سەرۆکوەزیرانی عێراق سه‌رپه‌ر‌شتی واژۆکردنی 18 یاداشتی لێکتێگەشتن لەنێوان کەرتی حکومی و تایبەتی عێراق و کۆمپانیاکانی ئەمریکای کرد، بەشێک زۆری یاداشتەکان پەیوەست بە پەرەپێدانی کەرتی وزە بوون.

بۆچی گرنگە: عێراق ساڵانە شەش ملیۆن دۆلار لە هاوردەی بەنزین و پێدویستییەکانی دیکەی وزە خەرج دەکات بەشێکی زۆری لە ئێرانەوەیە، لە چوارچێوەی ئەو ڕێککەوتنە نوێیانە بەشێکی کێڵگەکانی غازی عێراق نۆژەندەکرێنەوە و  پشت بە بەرهەمی نێوخۆ دەبەسرێت.

لێدوانی فەرمی: "پلانمان هەیە بۆ گەیشتن بە خۆبژێوی غاز و هاوردەکردنی لە ماوەی 3 بۆ 5 ساڵدا کۆتایی دێت." محەممەد شیاع سوودانی، سەرۆکوەزیرانی عێراق لە کاتی واژۆکردنی یاداشتەکان ئەوەی گوت.

ئەوەی پێویستە بیزانيت: جۆ بایدن، سه‌رۆكی ئه‌مریكا لە کۆبوونەوەی لەگەڵ سوودانی سەرۆکوەزیرانی عێراق، جه‌ختی له‌ به‌رده‌وامی پاڵیشتی واشنتن كردەوه‌ بۆ نوێكردنه‌وه‌ی كه‌رتی وزه لە عێراق و ڕێگریکردن لە بەفیڕۆچوونی غازی سرووشتی و‌ فه‌راهه‌مكردنی كاره‌با، به‌شێوه‌یه‌كی باشتر لە بەرهەمی کێڵگە نێوخۆییەکان.