ئامرازێكی ژیریی دەستكرد پێشبینی وازهێنان لە كارەكەت دەكات

ئاڤا نیوز  

ئەو خاوەن کارانەی کە دەپرسن لەوەی کە کارمەندێک تا چەند لە پۆستێکدا دەمێنێتەوە پێش ئەوەی دەست لەکاربکێشێتەوە، بەم زووانە دەتوانن پشت بە ئامرازێکی ژیری دەستکرد ببەستن بۆ ناسینەوەی ئەو کارمەندانەی کە ئەگەری جێهێشتنی کارەکەیان هەیە.

چیرۆکی سەرەکی: توێژەرانی ژاپۆن ئامرازێکی نوێی ژیریی دەستکردیان دروستکردووە کە یارمەتی خاوەن کار و کۆمپانیاکان دەدات، لەوەی کارمەندەکانی نیازی مانەوەیان لە کۆمپانیاکەدا چەندە.

زانیاریی زیاتر: ئامرازەکە لەلایەن مامۆستایەکی زانکۆی تۆکیۆوە بە هاوکاری کۆمپانیایەکی نێوخۆیی درووستکراوە، ئامرازەکەش بەو جۆرەیە کە داتای کارمەندان شیدەکاتەوە لە ڕووی ئامادەبوونیان بۆ سەر کار، تەمەن و ڕەگەزی کارمەند.

لێدوانی فەرمی: پرۆفیسۆر ناروهیکۆ شیراتۆری گوتی: هەموو ئەم داتایانە، ئامرازەکە پێشبینی ڕێژەی دەستلەکارکێشانەوەی فەرمانبەرە نوێیەکان دەکات لە ڕێژەیەکی سەدیدا، ئەم ئامرازە زۆر گونجاو دەبێت بۆ ئەوەی کۆمپانیاکان وا بکەن کەشێکی گونجاو بۆ کارمەندان درووستبکەن، کە بیر لە وازهێنان نەکەنەوە.