كاردانەوەی وڵاتان لە بارەی هاوکاریکردنی ئەمریکا بۆ ئیسرائیل و ئۆکراینا

ئاڤا نیوز

 

ئەنجوومەنی نوێنەرانی ئەمریكا، پاكێجێكی هاوكاری بە بەهای 95 ملیار دۆلار بۆ ئیسرائیل، ئۆكراینا و تایوان پەسەند كرد، ئەم بڕیارەش كاردانەوەی جیهانی لێكەوتەوە.

 

ئەوەی پێویستە بیزانیت: پشكی شێری هاوکارییەکە بۆ ئۆکراینایە، بەشێکی گەورەشی بۆ ئیسرائیلە و بەشێكیشی بۆ تایوانە، كە دوژمنە سەر سەختەكەی چینە لە ئاسیا.

 

ئەوەی لەبارەیەوە دەگوترێت: لەگەڵ پەسەندكردنی پاکێجەکە، وڵاتانی جیهان كەپەیوەستن بە شەڕ و پێكدادانەكانی ئەو سێ ناوچەیەوە بەپەلە قسەیان لەسەر كرد و هەڵویستی خۆیان دەربڕی.

 

كۆشكی سپی: پەسەندكردنی پاكێجی هاوكارییەكان پەیامێكە بۆ هەمووان كە واشنتن هێشتا ڕابەرایەتی جیهان دەكات. 

كۆشكی كریملن: پەسەندكردنی هاوكارییەكان وادەكات زیاتر هاووڵاتی ئۆكراینی بمرن.

یەكێتی ئەوروپا: پەسەندكردنی هاوكارییەكان پەیامێكی ڕوونە بۆ ڕووسیا.

بنیامین نەتانیاهۆ: پەسەندكدرنی هاوكارییەكان بەرگریكردنە لە شارستانییەتی ڕۆژئاوا.

چین: نیگەرانین لە هاوكاریكردنی تاویوان و ئەمە بەهەڵە دەزانین.

ئێران: ئەمریكا دەیەوێت شەڕ لە ناوچەكەدا بەردەوام بێت.

ئەڵمانیا: ستایشی هاوکارییەکانی ئەمریکا بۆ ئۆکرانیا دەکەین.

ڤۆلۆدمیر زێلێنسکی: سوپاس ئەمریكا.

 

بەریتانیا:  پەسەندكردنی هاوكارییەكان نیشانەی پشتگوێنەخستنی ئۆكراینایە.