حکومەتی عێراق: کێشەی هەناردەکردنی نەوت لە ڕێگەی تورکیاوە چارەسەر بوو

ئاڤا نیوز

 

لە کۆبوونەوەی ئەردۆغان و سوودانی، باسی کێشەی هەناردەکردنەوەی نەوتی هەرێمی کوردستان کراوە و گوتەبێژی حکومەتی عێراقیش ڕایگەیاند "کێشەکە چارەسەر بوو".

 

لێدوانی فەرمی: باسم عەوادی، گوتەبێژی حکومەتی عێراق گوتی: "ئێستا کێشەکە تەنیا لە نێوان حکومەتی عێراق و حکومەتی هەرێمی کوردستان ماوەتەوە و لە کاتی خۆیدا گفتوگۆی لەسەر دەکرێت".

 

ئەمەش بزانە: گوتەبێژی حکومەتی عێراق پێی وایە، چارەسەرکردنی کێشەکانی نێوان بەغدا و ئەنقەرە دەبێتە هۆکارێک بۆ دەستپێکردنەوەی هەناردەی نەوتی هەرێمی کوردستان.

 

وێنە گەورەكە: ساڵێک و مانگێکە هەناردەکردنی نەوتی هەرێمی کوردستان وەستاوە، ئەمەش زیانی 12 ملیار دۆلاری لە ئابووریی عێراق داوە.

 

باکگراوند: پێش ئەوەی هەناردەکردنی نەوتی کوردستان بە بڕیاری دادگەی نێوبژیوانی نێودەوڵەتی لە پاریس ڕابگیرێت، ڕۆژانە 450 هەزار بەرمیل لە ڕێگەی بەندەری جەیهانەوە هەناردەی بازاڕەکانی جیهان دەکرا.