عێراق: پەكەكە میوانە و مافی چالاكی سەربازی و سیاسی نییە

ئاڤا نیوز 

حکومەتی عێراق ڕایدەگەیێنێت، ئەوان وەک ڕێکخراوێکی قەدەغەکراو مامەڵە لەگەڵ پەکەکە دەکەن و ئەو حیزبە مافی ئەوەی نییە لە خاکی عێراقدا چالاکیی سیاسی و سەربازی ئەنجام بدات.

وێنە گەورەكە: لە ئەجێندای سەردانەکەی سەۆککۆماری تورکیا بۆ عێراق و هەرێمی کوردستان، چەندین دۆسیەی گرنگ هەن کە دیارترینیان پرسی ئاو، ئاسایشی سنوورەکان و ڕێککەوتنی ئەمنییە.

لێدوانی فەرمی: باسم عەوادی ـ گوتەبێژی حکومەتی عێراق ڕایگەیاند: ئەنجوومەنی ئاسایشی نیشتمانیی عێراق، پەكەكەی بە ڕێکخراوێکی قەدەغەکراو داناوە، لەسەر ئەو بنەمایەش مامەڵەی لەگەڵدا دەکات.

زانیاریی زیاتر: وتەبێژی حكومەتی عێراق باسی لەوە کرد کە ئەو هێزانە لە عێراق میوانن، مافی ئەوەیان نییە چالاکیی  سیاسی و سەربازی بکەن و وەک پەنابەریش مامەڵەیان لەگەڵدا دەکرێت.