ڕاگەیێنراوی کۆبوونەوەی سەرۆک بارزانی و سەرۆککۆماری تورکیا

ئاڤا نیوز

 

لە کۆبوونەوەی سەرۆک بارزانی و سەرۆککۆماری تورکیا، جەخت لە بەرەوپێشچوون و فراوانبوونی پەیوەندییەکانی نێوان عێراق، هەرێمی کوردستان و  تورکیا کرایەوە.

چیرۆکی سەرەکی: لە شاری هەولێر سەرۆک بارزانی پێشوازی لە ڕەجەب تەیب ئەردۆغان سەرۆک کۆماری تورکیا کرد و لەگەڵیدا کۆبووەوە.

ڕاگەیێنراوی فەرمی: جەخت لە بەرەوپێشچوون و فراوانبوونی پەیوەندییەکانی نێوان عێراق و هەرێمی کوردستان و وڵاتی تورکیا کرایەوە، ئەوەش لەپێناو پتەوتر کردنی سەقامگیریی هەرێمایەتی، هاوکاری و هەماهەنگیی هاوبەش لە بوارە جیاوازەکان و قووڵترکردنەوەی بنەماکانی دراوسێیەتی و برەودانی پەیوەندییە ئابوورییەکان.  ئەمە لەڕاگەیێنراوی فەرمی بارەگای بارزانی دا هاتووە.

بابەتی ستراتیژی: لەو کۆبوونەوەیەدا ڕێککەوتنەکانی نێوان عێراق و تورکیا بە گرنگ و فاکتەری گەشەپێدان و ئارامی وەسفکرا.