ئەردۆغان داوای پەرەپێدانی بازرگانیی نێوان هەولێر و ئەنقەرە دەکات

ئاڤا نیوز

 

ئەردۆغان، سەرۆککۆماری تورکیا خواستی تورکیای بۆ باشترکردنی پەیوەندییە بازرگانییەکان لەگەڵ حکومەتی هەرێمی کوردستان دووپاتکردووەتەوە.

 

بابەتی ستراتیژی: ئەردۆغان داوای کردووە، بەزووترین کات دەروازەی سنووریی ئۆڤاکۆ -پیشابوور بکرێتەوە و تێپەڕبوونی ئۆتۆمبێل لە دەروازەی سنووریی دێرەچیک - زەیتی دەستپێبکرێت.

 

بۆچی گرنگە: بە کردنەوەی ئەم دەروازەیە قەرەباڵخی دەروازەی سنووریی ئیبراهیم خەلیل کەم دەبێتەوە، گواستنەوەی بازرگانی ئاسانتر دەبێت، قەبارەی ئاڵوگۆڕی بازرگانی بەرزدەبێتەوە و داهات زیاد دەکات.

 

ڕاگەیێنراوی فەرمی: سەرۆکایەتیی کۆماری تورکیا ناوەڕۆکی کۆبوونەوەکەی ئەردۆغان و بەرپرسانی هەرێمی کوردستانی خستووەتەڕوو و سەرۆککۆماری تورکیا لە کۆبوونەوەکانیدا گوتوویەتی، "کاتی ئەوە هاتووە پرسی پەکەکە لە ڕۆژەڤدا دەربکرێت".

 

زانیاریی زیاتر: چارەسەرکردنی کێشەکانی نێوان هەولێر و بەغدا لە ڕێگەی دیالۆگ و ڕێگەنەدان بە کارەکتەری سێیەم لە نێوەندەکەدا، بابەتێکی دیکەی گفتوگۆی شاندەکەی تورکیا بووە لە هەولێر.