لە  سێ مانگدا  نزیکەی 300 هەڕەشەی ئەلیکترۆنی لە عێراق تۆمارکراون

ئاڤا نیوز

گوتەبێژی وەزارەتی ناوخۆی عێراق، ڕایگەیاند ڕێژەی تاوانی هەڕەشەی ئەلیکترۆنی ڕوو لەزیادبوونن و لە سێ مانگدا  247 حاڵەت تۆمارکراون.

لێدوانی فەرمی: میقداد میری، گوتەبێژی وەزارەتی ناوخۆی عێراق ڕایگەیاند: "هەوڵی پۆلیسی کۆمەڵگەیی بۆ دابینکردنی ئارامی و کەمکردنەوەی دیاردەی پەیوەست بە ناوزڕاندنی ئەلیکترۆنییە، حاڵەتەکانی هەڕەشە لە کەسایەتییەکان لە سۆشیال میدیا لە زیادبووندان."

ژمارەکان وادەڵێن: بەگوێرەی ئاماری وەزارەتی ناوخۆی عێراق، لە ماوەی سێ مانگی ڕابردوودا، تیمەکانی پۆلیسی کۆمەڵگە 33 ژنی هەڵاتوویان گەڕاندووەتەوە، 69 حاڵەتی تووندوتیژی دژی منداڵان و 73 حاڵەتی تووندوتیژی دژی ژنان تۆمارکراون.

وێنە گەورەكە: جگە لە تووندوتیژی ئەلیكترۆنی، بەشێوەیەكی گشتی بەپێی ئامارەكان تووندوتیژی كۆمەڵایەتی ڕوو لە زیادبوونە.