پێنتاگۆن داوای پاراستنی هێزە ئەمریكییەكان لە عێراق دەكات

ئاڤا نیوز

 

وەزارەتی بەرگریی ئەمریکا "پێنتاگۆن" داوا لە حکومەتی عێراق دەکات هەموو هەنگاوێکی پێویست بنێت بۆ پاراستنی ئەو هێزە ئەمریکییانەی لە عێراقن.

وێنە گەورەکە: سوپای ئەمریکا داوای لە حکومەتی عێراق کرد، هەنگاو بنێت بۆ پاراستنی هێزەکانی ئەمریکا لە عێراق، دوای ئەوەی دوو هێرش لە  ڕۆژی دووشەممە لەلایەن گرووپە چەکدارەکانەوە کرایە سەر هێزەکانی ئەمریکا.

لێدوانی فەرمی: جەنەڕاڵ پات ڕایدەر، مەیجر گوتەبێژی وەزارەتی بەرگریی ئەمریکا "پێنتاگۆن" ڕایگەیاند:" ئەم هێرشانە سەربازانی هاوپەیمانان و سەربازانی عێراق بەرەوڕووی مەترسی دەکاتەوە، ئەگەر ئەو هێرشانە بەردەوام بن درێغی ناکەین لە بەرگریکردن لە هێزەکانمان وەک لە ڕابردوودا کردوومانە".

ئەوەی پێویستە بیزانیت: دوای سەردانەکەی سوودانی بۆ ئەمریکا، گرووپی چەکداری حیزبوڵڵای عێراق لە بەیاننامەیەکدا ڕایگەیاند: هێرشەکانیان بۆ سەر هێزەکانی ئەمریکا لە عێراق و سوریا دەستپێدەدەکەنەوە و دوای سەردانەکەش دووجار هێرشیان کردوەتە سەر ئەمریکا.