تورکیا  بە ڕێگەی گەشەپێدان قەبارەی بازرگانی لەگەڵ عێراق زیاد دەکات

ئاڤا نیوز

تورکیا بەنیازە لەگەڵ تەواوبوونی "پڕۆژەی ڕێگەی گەشەپێدان"، قەبارەی بازرگانی لەگەڵ عێراق بۆ دوو هێندە زیاد بکات. 

لێدوانی فەرمی: عەبدولقادر ئۆراڵ ئۆغلۆ ــ وەزیری گواستنەوە و ژێرخانی تورکیا ڕایگەیاندووە، بەگەڕخستنی ڕێگەی گەشەپێدان قەبارەی بازرگانییان لەگەڵ عێراق لە 20 ملیار دۆلار بۆ 30-40 ملیار دۆلار زیاد دەکات.

ئەوەی پێویستە بیزانیت: ڕۆژی دووشەممەی ڕابردوو لەمیانەی سەردانی ڕەجەب تەیب ئەردۆغان بۆ عێراق هەریەک لە وڵاتی تورکیا، عێراق، قەتەر و ئیمارات یادداشتی لێکگەیشتنیان بۆ هاوکاری لەبارەی پڕۆژەی ڕێگەی گەشەپێدان واژۆ کرد.

ئەوەش بزانە: پڕۆژەی ڕێگەی گەشەپێدان کە لە هێڵی ئاسنین و ڕێگەی خێرا پێک دێت، بەندەری فاو و سنووری تورکیا بە درێژایی 1200 کیلۆمەتر پێکەوە گرێ دەدات، تێچوونەکەشی 17 ملیار دۆلارە.