گوتەبێژی پارتی: ئەو بڕیارانەی لەبارەی هەڵبژاردنەوە دراون لە بەرژەوەندیی خەڵک نین

ئاڤا نیوز

 

گوتەبێژی پارتی دیموکراتی کوردستان ئاماژە بەوە دەدات، پارتی لەگەڵ ئەنجامدانی هەڵبژاردنە، بەڵام بەو میکانیزمەی ئێستا لەگەڵی نییە.

 

وێنە گەورەکە: پارتی، تێبینی لەسەر میکانیزمی بەڕێوەچوونی هەڵبژاردن هەیە و ئەمەش ئەگەرەکانی دواخستنی پڕۆسەکەی زیاتر کردووە.

 

لێدوانی فەرمی: مەحموود محەممەد ــ گوتەبێژی پارتی دیموکراتی کوردستان بە ئاڤا نیوزی گوت: "پارتی لەگەڵ بەڕێوەچوونی هەڵبژاردنە، بەڵام لەسەر بڕوای خۆمان سوورین کە ئەو سیستەمەی ئێستا هەیە،  لە بەرژەوەندیی خەڵك نییە".

 

گرنگ: ڕۆژی 17-04-2024 سەرۆک بارزانی لە کۆبوونەوەی لەگەڵ تۆماس سیلەر ــ باڵوێزی یەكێتیی ئەوروپا لە عێراق ئاماژەی بەوەدا، پارتی داوا دەكات بە زووترین كات ئەو سەرنج و بابەتە تەكنیكییانەی كە ڕێگرن لە بەڕێوەچوونی هەڵبژاردنێكی تەندروست، چارەسەر بكرێن.