عێراق 11 ئەندامی داعش لە سێدارە دەدات

ئاڤا نیوز  

دوو بەرپرسی ئەمنیی و تەندروستی عێراق ڕایدەگەیێنن، دەسەڵاتدارانی عێراق لەم هەفتەیەدا لانیکەم 11 ئەندامی ڕێکخراوی داعشیان لەسێدارەداوە.

زانیاریی بڵاوكراوە: "بە سەرپەرشتی تیمێکی کار لە وەزارەتی داد حوکمی لە سێدارەدان بەسەر 11 تیرۆریستی داعش لەناو زیندانی حوت لە شاری ناسریە جێبەجێ کرا". بەرپرسێکی ئەمنیی لە پارێزگای زیقار ئەمەی بە ئاژانسی فرانس پرێس گوتووە.

لە لایەکی دیکەوە: سەرچاوەیەکی پزیشکی لە ئیدارەی تەندروستی زیقار پشتڕاستی کردەوە، "ڕۆژی دووشەممە تەرمی 11 تۆمەتبارمان پێگەیشت کە لە زیندانی حوت لە شاری ناسریە لە سێدارە درابوون".

لێدوانی فەرمی: خالید شوانی، وەزیری دادی عێراق ساڵی ڕابردوو ڕایگەیاندبوو: "نزیکەی 20 هەزار کەس بە تۆمەتی تیرۆر لە زیندانەکانی عێراق هەن، هەشت هەزاریان سزای لەسێدارەدانیان بۆ دەرکراوە".