عێراق ڕێککەوتنی نوێکردنەوەی وێستگەکانی غاز واژۆ دەکات

ئاڤا نیوز

 

وەزیری کارەبای عێراق گرێبەستی نوێکردنەوەی وێستگەکانی غازی لەگەڵ کۆمپانیای  (جی ئی)ـی ئەمریکی واژۆ کرد، کە بەوهۆیەوە 548 مێگاوات وزەی لەدەستچوو دەگەڕێنێتەوە.

 

وێنە گەورەکە: لە چواچێوەی سەردانی سوودانی بۆ واشنتن 18 یادداشتی لێکتێگەشتن لەنێوان کەرتی حکومی و تایبەتی عێراق و کۆمپانیاکانی ئەمریکا واژۆ کران، بەشێکی زۆریان پەیوەست بوون بە پەرەپێدانی کەرتی وزە.

 

لێدوانی فەرمی: زیاد فازڵ، وەزیری کارەبا ڕاگەیاند: "واژۆکردی ئەو گرێبەستە بەشێکە لە ستراتیژییەتیی ڕێگریکردن لە غازی بەفیڕۆچوو".

 

ئەمەش بزانە: بە گوێرەی ڕێککەوتنەکە، کۆمپانیای جی ئی 12 پاڵاوگە نوێ دەکاتەوە و 48 یەکەی بەرهەمهێنان کارادەکاتەوە، بەوهۆیەوە 548 مێگاوات وزەی بەفیڕۆچوو دەگەڕێنێتەوە.

 

لەلایەکی دیکەوە: کاڤین شێخ سەعید، ئەندامی لیژنەی نەوت و گاز لە ئەنجوومەنی نوێنەرانی عێراق بە ئاڤا نیوزی گوت: "ئەو ڕێککەوتنە کاریگەری لەسەر ئەو ڕێککەوتنە نابێت کە حکومەتی عێراقی ناچار کردووە بە هاوردەکردنی غاز لە ئێران بۆ دابینکردنی وزە کارەبا".