دوو هەفتە لە بەردەم ناردنی خشتەی هەمواری یاسای بودجە بۆ پەرلەمانی عێراق ماوە

ئاڤا نیوز

 

ناردنی خشتەی هەمواری یاسای بودجە لەلایەن ئەنجوومەنی نوێنەرانی عێراق، وەرزی پشووی یاسادانان هەڵدەوەشێنێتەوە.

 

وێنە گەورەکە: کەمتر لە 14 ڕۆژ بۆ دەستپێکردنی وەرزی پشووی یاسادانان ماوە؛ نۆی ئایار پشووەکە دەست پێ دەکات و نزیکەی دوو مانگ دەخایێنێت.

 

لێدوانی فەرمی: دارا سێکانی ــ ئەندامی لیژنەی یاسایی لە ئەنجوومەنی نوێنەرانی عێراق بە ئاڤا نیوزی گوت: "ئەگەر لە نۆ ڕۆژی ئایندە، ئەنجوومەنی وەزیران خشتەی هەمواری یاسای بودجە ڕەوانەی ئەنجوومەنی نوێنەران بکات، ماوەی یاسادانان درێژ دەکرێتەوە تاوەکو دەنگدان تەواو دەبێت". 

 

زانیاریی زیاتر: هەرێمی کوردستان لە پڕۆژەیاسای بودجە، جگە لە مووچە پشکی دیکەی هەیە، وەک خەرجیی وەبەرهێنان و بەکاربردن، تێچووی بەرهەمهێنانی نەوت و بیمەی کۆمەڵایەتی.