كۆنسوڵخانەی ئەمریكا لە هەولێر: هێزەکانی ئەمریکا لەسەر داوای حكومەتی عێراق ماونەتەوە

ئاڤا نیوز

 

كۆنسوڵخانەی ئەمریكا لە هەرێمی كوردستان ڕایدەگەیێنێت، ئەمریكا و هاوپەیمانان لەسەر داوای حكومەتی عێراق ماونەتەوە، ئەركیشیان سەقامگیری و ئاسایشی وڵاتەکەیە.

 

ڕاگەیێنراوی فەرمی: كۆنسوڵخانەی ئەمریكا لە هەولێر ڕایگەیاند: "لەسەر بانگهێشتی حکومەتی عێراق، ئەمریکا و هاوپەیمانیی نێودەوڵەتی پشتیوانی لە هەوڵی مرۆیی و هەوڵەکانی بەرقەرارکردنی سەقامگیری لە سەرتاسەری عێراق دەکەن".

 

ئەمەش بزانە: کۆنسوڵخانەکە ئەوەشی ڕاگەیاندووە، کە مانەوەی هێزەکانی ئەمریکا بە ئامانجی یارمەتیدانی خەڵکی عێراقە.

 

زانیاریی زیاتر: تاوەکو ئێستا ئەمریکا زیاتر لە چوار ملیار دۆلار هاریکاریی مرۆیی پێشکەشی عێراق کردووە، زیاتر لە چوار ملیۆن و 700 هەزار کەسیش بە هاوکاریی هاوپەیمانان گەڕاونەتەوە زێدی خۆیان.