ناو تۆماركردنی خاوەنپێداویستییە تایبەتەكان دەستپێدەكاتەوە

ئاڤا نیوز

 

دوای زیاتر لە 10 ساڵ وەستانی، پرۆسەی ناو تۆماركردنی خاوەنپێداویستییە تایبەتەكان دەستیپێكردەوە، بەمەبەستی دابینکردنی شایستەی دارایی بۆیان.

 

بڵاوکراوەی فەرمی: وەزارەتی کار و کاروباری کۆمەڵایەتی حكومەتی هەرێمی كوردستان ڕایگەیاند: دوابەدوای هەوڵ و کۆششە بەردەوامەکانی وەزیری کار و کاروباری کۆمەڵایەتی و ئاراستەکردنی نوسراوی وەزارەت، لەسەر فەرمانی ڕاستەوخۆی سەرۆكوەزیرانی هەرێمی كوردستان ڕەزامەندی  وەرگیرا بۆ ئاڕاستەکردنی ناوی نوێی خاوەنپێداویستییە تایبەتەكان.

 

ژمارەکان وا دەڵێن: لە هەرێمی کوردستان 100 هەزار خاوەن پێداویستیی تایبەت هەن، کە 63 هەزار و 200 یان مووچەی 150 هەزار دیناری و شەش هەزاو 800 یان فەرمانبەری حکومەتن.

 

ئەوەی پێویستە بیزانیت: لە ساڵی 2013ـەوە بڕینەوەی مووچە بۆ خاوەن پێداویستییە تایبەتەکان ڕاگیراوە، لەو کاتەوە 30 هەزار خاوەن پێداویستیی تایبەت تۆمار کراون کە 13 هەزار و 227 کەسیان بە لێژنە ناویان بۆ ئەنجوومەنی وەزیران بەرز کراوەتەوە تاڕەزامەندی لەسەر دابینکردنی مووچەکەكانیان بدرێت.

 

بۆچی گرنگە: ژمارەیەكی زۆر خاوەنپێداویستی تایبەت چاوەڕێی ئەوەن مووچەیان بۆ ببڕدرێتەوە.