لە دهۆک خانووەکانی سەر ڕووباری هشکەرۆ دەڕوخێنرێن

ئاڤا نیوز

 

لە دهۆک ئامادەكاری دەکرێت بۆ ڕووبەڕووبونەوى لافاو لەساڵانی داهاتوو؛ لەو نێوەندەشدا نزیکەی 150 خانوو لە سەر ڕووباری هشکەرۆ  دەڕوخێنرێن،

 

وێنە گەورەکە: دوای لافاوەکەی 19-3-2024، لەسەر ڕاسپاردەی سەرۆکوەزیران بارزانی، بڕیاردرا ئەو ماڵانەی زیانیان بەرکەوتووە قەرەبوو بکرێنەوە و چارەسەرێکی تەواوەتی بۆ ڕووباری هشکەرۆ دابنرێت.

 

لێدوانی فەرمی: بریندار عارف، سەرۆکى بەشی ڕۆژهەڵاتی شارەوانى دهۆک بە ئاڤا نیوزی ڕاگەیاند: " ئەو خێزانانەی خانووەکانیان لەسەر ڕووباری هشکەرۆ دەروخێنرێن، پێشتر 150 شوقەیان وەرگرتووە، جگە لەوانەی تاپۆن کە ئەوانیش ژمارەیان 35 خانووە، لە قۆناغی یەکەمدا 30 خانوو ڕوخێنراون، لە قۆناغی دووەمدا کار لەسەر کردنەوە و چاککردنی ڕووباری هشکەرۆ دەکرێت".

 

بۆچی گرنگە: بە چارەسەرکردنی کێشەکانی ڕووباری هشکەڕۆ، ساڵانی داهاتوو، خەڵکی ناوچەکە لە زەرەر و زیانی لافاو دووردەکەونەوە.