وڵاتانی جیهان داوا لە حەماس دەکەن بارمتەکان ئازاد بكات

ئاڤا نیوز  

سەرکردەکانی ئەمریکا، بەریتانیا، فەرەنسا و چەندین وڵاتی دیکە داوایان لە حەماس کرد بارمتەکان ئازاد بكات. 

وێنە گەورەکە: سەرکردەکانی 18 وڵاتی جیهان داوا لە بزووتنەوەی حەماس دەکەن بێنە سەر مێزی گفتوگۆ و تاوتوێی ئازادکردنی بارمتەکان بکەن. 

ڕاگەیێنراوی فەرمی: ئەو 18 وڵاتە ڕایانگەیاند: داوا دەکەین دەستبەجێ هەموو ئەو بارمتانە ئازاد بکرێن کە زیاتر لە 200 ڕۆژە لە لایەن حەماسەوە لە غەززە دەستبەسەرکراون.

ژمارەکان وا دەڵێن: لە دەستپێکی شەڕی نێوان ئیسرائیل و حەماس، چەكدارانی حەماس  250 کەسیان ڕفاند، سوپای ئیسرائیل پێی وایە 129 کەسیان لە غەززە ماونەتەوە و 34 کەسیشیان کوژراون. 

باکگراوند: لە ئۆکتۆبەری ساڵی ڕابردوو حەماس هێرشێکی لەناکاوی بۆسەر ئیسرائیل دەستپێکرد و چەندین کەسی وەک بارمتە گرت، سوپای ئیسرائیلیش هێرشی بەرفراوانی بۆ سەر غەززە كە لەژێر دەسەڵاتی حەماس دا دەستپێكرد.