ڕێکخراوی لێبووردنی نێودەوڵەتی لە عێراق نیگەرانە

ئاڤا نیوز

ڕێکخراوی لێبووردنی نێودەوڵەتی "نیگەرانە" لە بەردەوامیی پرۆسەی لە سێدارەدان لە عێراق و بە پێویستی دەزانێت هەرچی زووە دەسەڵاتدارانی ئەو وڵاتە لەسێدارەدانەکان ڕابگرن.

 

چیرۆکی سەرەکی: لە ماوەی چەند ڕۆژی ڕابردوو هەواڵی لە سێدارەدانی زیاتر لە 11 کەس لەناو زیندانێکی شاری ناسریە بڵاوکرایەوە.

 

لێدوانی فەرمی: ڕازاو ساڵحی، توێژەی پەیوەندیدار بە عێراق لە ڕێکخراوی لێبوردنی نێودەوڵەتی دەڵێت: "لەسێدارەدانەکانی ئەم دواییەی عێراق، ترسناک و مایەی بێزارین. پێویستە حکومەتی عێراق دەستبەجێ کار بۆ هەڵوەشاندنەوەی سزای لەسێدارەدان بکات".

 

زانیارییە بەدەستهاتووەکان: سەرچاوە ئەمنییەکان پێشتر بۆ میدیاکان لەسێدارەدانی 13 کەسیان لە 25ـی کانوونی دووەمی 2023 پشتڕاست کردبووەوە کە ئەمە یەکەم لەسێدارەدانی بەکۆمەڵ بوو لە دوای ساڵی 2020ـەوە.