سەرۆکوەزیرانی عێراق سەردانی سعودیە دەكات

ئاڤا نیوز

سەرۆکوەزیرانی عێراق بە مەبەستی بەشداری لە كۆڕبەندی ئابووریی جیهان سەردانی سعودیە دەکات.

 

وێنە گەورەکە: کۆبوونەوەی تایبەتی کۆڕبەندی ئابووریی جیهان بڕیارە لە ڕۆژانی 28 و 29ـی ئەم مانگە لە ڕیازی پایتەختی سعودیە ڕێک بخرێت، بڕیارە چەندین وڵاتی جیهانی و عەرەبی و چەندین كەسایەتی و بازرگانی گەورە بەشداری بكەن.

 

هۆکارە زانراوەکان: نووسینگەی رۆژنامەوانیی محەممەد شیاع سوودانی، سەرۆکوەزیرانی عێراق لە سەرەتای ئەو مانگە ڕایگەیاندبوو، بە مەبەستی بەشداریکردن لە کۆبوونەوەی تایبەتی کۆڕبەندی ئابووریی جیهانی، بانگهێشتنامەی فەرمی بۆ سوودانی نێردراوە.

 

زانیاریی زیاتر: شازادەی جێنشینی سعودیە لە بانگهێشتنامەکەیدا بۆ سەرۆکوەزیرانی عێراق ئەوەی نووسیوە: "بەشداریی سوودانی لە کۆڕبەندەکە کاریگەریی ئەرێنی لەسەر دەرئەنجامی کۆبوونەوەکان دەبێت."