وەزارەتی ناوخۆی عێراق: بکوژی "ئوم فەهد" دەستگیر نەکراوە

ئاڤا نیوز 

وەزارەتی ناوخۆی عێراق ڕەتیدەکاتەوە، بکوژی ئەو ژنە بلۆگەرەیان دەستگیرکردبێت کە شەوی ڕابردوو لەناو ئۆتۆمبێلەکەی لە بەغدا کوژرا.

چیرۆکی سەرەکی: شەوی ڕابردوو هاووڵاتییەک بەناوی "غوفران مەهدی سەوادی"، ناسراو بە "ئوم فەهد"، کە ژنە بلۆگەرێکی عێراقییە. لەلایەن کەسێکی نەناسراوەوە لەناو ئۆتۆمبێلەکەی خۆی لە ناوچەی زەیونەی بەغدا لە بەردەم ماڵەکەی خۆی کوژرا.

ڕاگەیێنراوی فەرمی: وەزارەتی ناوخۆی عێراق ڕایگەیاند: "ئەو هەواڵانەی لە تۆڕە کۆمەڵایەتییەکان بڵاودەبنەوە و باس لە دەستگیرکردنی گومانلێکراوی ڕووداوی کوشتنی ژنێکی ناسراوی نێو تۆڕە کۆمەڵایەتییەکان دەکەن، دوورن لە ڕاستییەوە".

زانیاریی زیاتر: وەزارەتی ناوخۆ دەڵێت: "لێکۆڵینەوەکان بەردەوامن و هێشتا لە قۆناغی سەرەتا دایە".