عێراق حەوتەم وڵاتی عەرەبییە بۆ داوای مافی پەنابەری لە ئەمریكا

ئاڤا نیوز

عێراقییەکان لە ڕیزبەندی حەوتەمی جیهانی عەرەبیدان، لە لیستی ئەو کەسانەی کە زۆرترین داوای پەنابەری لە ئەمریکا دەکەن.

ئەوەی پێویستە بیزانیت:  بە گوێرەی ڕاپۆرتی ساڵانەی وەزارەتی دەرەوەی ئەمریکا بۆ ساڵی 2023، کۆی گشتی ژمارەی کۆچبەرە عێراقییەکان لە ئەمریکا گەیشتووەتە 562 هەزار کەس.

زانیاریی زیاتر: ڤیزای کۆچبەران ڕێگە بە هاووڵاتیانی بیانی دەدات بۆ هەمیشە لە ئەمریکا نیشتەجێ بن و لە و وڵاتە کار بکەن. 

ژمارەکان وا دەڵێن: بە گوێرەی ڕاپۆرتەکە، میسر لە ڕیزبەندی یەکەمی وڵاتە عەرەبییەکاندایە و ڕێژەی کۆچبەرانی دەگاتە پێنج هەزار و 900 کۆچبەر بۆ ساڵی 2023، دواتر ئوردن  و یەمەن بە  کۆی پێنج هەزار و 400 و پێنج هەزار و 300 کۆچبەر لە ڕیزبەندی دووەم و سێیەم دان.