سەرۆککۆماری عێراق داوای لێکۆڵینەوەی خێرا دەکات

ئاڤا نیوز

لەتیف رەشید، سەرۆککۆماری عێراق، سەركۆنەی هێرشی شەوی رابردووی سەر کێڵگەی غازی کۆرمۆری کرد و داوای لیکۆڵینەوەی خێرا دەکات.

لێدوانی فەرمی: سەرۆککۆماری عێراق ‌‌لە پێگەی فەرمیی خۆی لە تۆڕی کۆمەڵایەتی ئێکس، ڕایگەیاند:"بەتووندی سەركۆنەی ئەو بۆردومانە دەکەین کە کێڵگەی غازی کۆرمۆری کردە ئامانج، لە ئەنجامدا شەهید و برینداری لێکەوتەوە".

زانیاریی زیاتر: "ئەمجۆرە کردەوە تاوانکارییانە نوێنەرایەتی پێشێلکردنی بەرژەوەندییە گشتییەکانی دەوڵەت و هاووڵاتییان دەکەن، هەڕەشە لە ئاسایش و سەقامگیری وڵات دەکەن". سەرۆككۆماری عێراق وای گوتووە.

ئەوەی پێویستە بیزانیت: بەهۆی هێرشەکەی شەوی رابردوو بۆ سەر کێڵگەی کۆرمۆر، بە گوتەی پێشەوا هەورامانی گوتەبێژی حكومەتی هەرێمی كوردستان" چوار یەمەنی شەهید بوون" و چەند كەسێكی دیكەش برینداربوون.