ڕێژەی بەردانەوەی ئاوی بەنداوی دووکان زیادی کردووە

ئاڤا نیوز

بەهۆی هێرشی سەر کێڵگەی غازی کۆرمۆر، تا ئاساییوونەوەی دۆخەکە، رۆژانە ئاوی بەنداوی دووکان زیاتر بەردەدرێتەوە.

لێدوانی فەرمی: کۆچەر جەمال، بەڕێوەبەری بەنداوی دووکان بە ئاڤا نیوزی گوت: ئێستا رێژەی ئاوی بەنداوی دووکان گەیشتووەتە ٪52  بەڵام بەهۆی هێرشی سەر کۆرمۆر بە مەبەستی زیادکردنی ئاستی بەرهەمهێنانی کارەبا ڕۆژانە رێژەیەکی زیاتری ئاو لە بەنداوەکە بەردەدەنەوە.

ئەوەی پێویستە بیزانیت: ڕۆژی 26ـی ئەم مانگە بە درۆن هێرشکرایە سەر کێڵگەی غازی کۆرمۆر، کە بەهۆیەوە بەرهەمهێنانی کارەبا بە ئاستی 2500 مێگاوات  کەمبووەوە.

بۆچی گرنگە: بەبەردانەوەی ئاوی بەنداوەکان کە کارەبایان لێ بەرهەم دەهێنرێت، کارەبای نیشتیمانی زیاتر دەدرێتە هاووڵاتییان.

زیانە سەرەکییەکان: هەندێک جار بەهۆی زیاتر بەردانەوەی ئاو بۆ کارەبا، کێشەی بەردانەوەی ئاوی ماڵان درووست دەبێت.