لە دهۆک چەند كەسێک بەهۆی ڕاوەماسییەوە دەستگیر دەكرێن

ئاڤا نیوز  

پۆلیسی پارێزگای دھۆک ڕایگەیاند، چەندین کەس بەهۆی ڕاوی ماسی دەستگیرکراون و دەستبەسەر سەدان کەلوپەلی ڕاوکردندا گیراوە.

لێدوانی فەرمی: ھێمن سلێمان، گوتەبێژی پۆلیسی پارێزگای دھۆک لە کۆنگرەیەکی ڕۆژنامەوانیدا ڕایگەیاند: داوا لە هاونیشتيمانیيان دەکەم لەو ماوەیەی دیاریکراوە بۆ قەدەغەکردنی ڕاوی ماسی خۆیان و سامانی ماسی نەخەنە مەترسییەوە و با نایاسایی ڕاوی ماسی بکەن.

ژمارەکان وادەڵێن: تەنیا مانگی ڕابردوو لە دهۆک 10 تۆمەتبار بە تۆمەتی ڕاوکردنی ماسی لە وەرزی قەدەغەکردنی ڕاو دەستگیرکراون، 175 تۆڕی ماسی، 25 بەلەم و مۆلیدەی کارەبا دەستیبەسەردا گیراوە.

باکگراوند: ڕۆژی 05-03-2024 تاکو 15-06-2024 لە عێراق و هەرێمی کوردستان ڕاوی ماسی قەدەغەیە، هەر کەسێکیش لەو ماوەیەدا ڕاوی ماسی بکات دووچاری لێپێچینەوەی یاسایی دەبێتەوە.

 

وێنەی بەشێک لە کەلوپەلەکان