قەرزی ئاكپارتی كێشە بۆ دەم پارتی دروست دەكات

ئاڤا نیوز 

هەرچەندە دەم پارتی شارەوانی ئاگری باکووری کوردستانی بردەوە، بەڵام  بەهۆی قەرزەکانی سەرۆکی شارەوانی پێشوو کە سەر بە ئاکپارتی بوو پارەکانی بلۆککراون.

وێنە گەورەکە: شارەوانی ئاگری یەکێکە لەو 10 شارەوانییەی دەم پارتی لە هەڵبژاردنەکانی 31 ئادار بردییەوە، لە کاتێکدا پێشووتر ئاکپارتی خاوەنی ئەو شارەوانییە بوو.

ئەوەی پێویستە بیزانیت: بانکی پارێزگاکان بەهۆی مانەوەی قەرزی باجی شارەوانی سەرۆک شارەوانییەکەی ئاکپارتی، بڕی" حەوت  ملیۆن لیرەی شارەوانییەکەی" بلۆک کردووە.

زانیاریی زیاتر: لە پاڵ ئەوەشدا  183 کرێکاری سەر بە شارەوانییەکە  گەڕێنراونەتەوە پاڕێزگا، هەروەها ئامێری بیناسازی کە لەلایەن ئیدارەی تایبەتی پارێزگاوە بەخشرابوون لێیان وەرگیراوەتەوە.

لێدوانی فەرمی: هەزال ئاراس، هاوسەرۆکی شارەوانی ئاگری بۆ ئاژانسی میزۆپۆتامیا گوتی: "سەرەڕای ئەو هەموو ئاستەنگانە، هیچ لاوازییەک لە پێشکەشکردنی خزمەتگوزارییەکان بۆ ڕای گشتی ئەزموون ناکەین، ئەگەر پێویست بکات ناڕەزایەتی ڕادەگەیێنین و کۆبوونەوەی جەماوەری ڕێکدەخەین".