لە دهۆک پارێزەرێک "بە فێڵ" ملیۆنێک و 500 هەزار دۆلاری خەڵک دەبات

ئاڤا نیوز 

 

لە دهۆک پارێزەرێک "بە فێڵ" یەک ملیۆن و 500 هەزار دۆلاری خەڵکی بردووە و خۆی ون کردووە.

 

لێدوانی فەرمی: سەرچاوەیەک لە دادگەی دهۆک بە ئاڤا نیوزی ڕاگەیاند، پارێزەرێک زیاتر ملیۆنێک و 500 هەزار دۆلاری خەڵکی بردووە و ماوەی چەند مانگێکە لەگەڵ خێزانەکەی دیارنەماون.

زانیاریی بەدەستهاتوو: ئەو پارێزەرە بەبیانووی کار و بەڵێنی دووبارە گەڕاندنەوەی بۆیان پارەی لە کەسوکار و هاوڕێیەکانی وەرگرتوون، بەڵام ماوەی چەند مانگێکە خۆی ون کردووە و کەس نایزانێت لە کوێیە.

 

لەلایەکی دیکەوە: ئاڤا نیوز پەیوەندی بە لقی دهۆکی سەندیکای پارێزەرانی کوردستانەوە کرد، ئەوانیش ڕووداوەکەیان پشتڕاست کردەوە، ئەوانەی پارەیان پێداوە کەسوکار و پارێزەری هاوڕێی بوون.

 

ئەوەی ئێستا ڕوودەدات: ئەو کەسانەی پارەیان براوە لە دادگە سکاڵایان تۆمار کردووە و فەرمانی دەستگیرکردنیش بۆ پارێزەرەکە دەرچووە.